Шаблондаги ўзгарувчилар

Ўзгарувчи — хабардан хабарга ўзгарадиган матн қисми. У тўғридан-тўғри матн ичида жингалак қавсларда ёзилади:

Ассалому алайкум, {name}! Кодингиз: {code}

Қайси ўзгарувчилардан фойдаланиш мумкин

Шаблонларда фақат олтита ўзгарувчига рухсат берилган. Бошқа ўзгарувчили шаблон модерацияга қабул қилинмайди.

• {code} — тасдиқлаш коди, масалан 482915;
• {name} — контактларингиздаги қабул қилувчи исми, масалан Азиз;
• {order_id} — буюртма рақами, масалан 10245;
• {phone} — телефон рақами, масалан 998901234567;
• {date} — сана, масалан 18.09.2026;
• {company} — компания номи.

{name} қандай қўйилади

Исм «Контактлар» бўлимидан автоматик олинади — уни киритиш шарт эмас. Агар контактнинг исми тўлдирилмаган, 80 белгидан узун ёки қатор кўчирилган бўлса, бу контактга хабар юборилмайди, қолганларга эса тарқатма одатдагидек боради.

Қолганлари қандай қўйилади

Тарқатма яратишда кабинет ҳар бир ўзгарувчи учун майдон кўрсатади. Қиймат бир марта киритилади ва барча қабул қилувчиларга бир хил қўйилади — 80 белгигача, қатор кўчиришсиз. Барча майдонлар тўлдирилмагунча тарқатмани бошлаб бўлмайди.

Агар ўзгарувчи қиймати топилмаса, хабар юборилмайди ва унинг учун пул олинмайди.

Шаблон ўрнига ўз матнингиз

Матнни қўлда ёзиш мумкин, лекин тизим уни барибир келишилган шаблонларингиз билан солиштиради: доимий қисм тасдиқланган матн билан сўзма-сўз мос келиши керак, ўзгарувчи ўрнида эса унинг қоидаларига мос исталган қиймат туриши мумкин.